043_Mia ham wieda Fasching z'Minga

20.09.2022, 10:34 Uhr z`Minga

S is soweit! Mia ham wiada Fasching. Z'Minga.

PROST, JUCHAIIIII !!!!

Oktoberfest ho'ma wiada.

K l e i d e r f a s c h i n g für Zuagroasde.

Z u g e z o g e n e. W a h l m ü n c h n e r.

Minga hat sein Wiesnauftakt traditionell vabieslt.

Sitze auf dem Balkon und genieße MEINEN Oktober. Sonne pur.

Auf dem Balkon neben mir stößt ein starrer Schuh an den Rahmen der Balkontür und stolpert nach draußen auf die Holzplatten. Tockklacktock ....tocktodock! Schuabladln Juchaii !!!! denk ich.

A gscheada mundbreit Männerbatz schwadroniert irgendwas.

Geschirr klappert. Frauenstimmen. Vollständiges, grammatikalisch wenig fehlerbehaftetes Deutsch sprechende Stimmen. Leicht portugiesischer Einschlag.

Stühle rücken. Man setzt sich offensichtlich.

Dann geht's los.

Ez woas i's wiada! Warum, dass d'Wiesn ned mog! Des ganze Juheee und Humpfdada!

Zwoa, drei damische, fotzade, breitglutschte Sätz spaada is'ma s kloar.

Da Hoamatverein is wiada z'Gast bei meine Nachbarn. De Poadugiiiiiiesn. I n t e g rrrrr a tions be müh ungen nennt ma des dann,

wenn da Heimatdepp im pegelübersteuerten Depparldeitsch de pordugiesischeeen Nachbarn USNRE, z i v i l i s i e r t e Kuldua vakläard. Höflich nennt ma des dann,

wenn de Porrrdugiiiiiiiesn eam a jed's moi in g e p f l e g t e m Hochdeutsch antworten.

PROST, JUCHAIIIII !!!!

"Aberrrr du wissen, warum Schleeeiiifeee immer links......? Ha?!!!!!!! .... du wissen??"

Boid häd i niaba blärrt: "Ja zefix du brunsdumma Gleznbeni, du saudammischs Rrrrrindvieh, du Saudepp du bläda! Heas'd etz auf mit deim Depparldeitsch! Dia hod da Herrgott dei Hirn doch wiakli nua gebn, damit s eina regnen ko!!!!!! Sag amoi, raffst du des ned?!! Du untahoid'st di mit erwachsene, intelligente Laid de meara im Hirnkastl hobn ois du vasiffde Spritza auf deim krachardn Hosnstoi!!!!

Iiiiiiiiii woassss ned, ..... langsam frag i mi, wer da wen "i n dee griad".

Für mi heard si des Gspräch eher so o, ois wenn de Zuagroaßd mi'm Doafdepparl a Einsehn habn. Und wei's so guadherzig san, lass'n s eam in seim Glaubn, dass er a amoi was zum Sagn hod.

A echts Drauaspui. Ein Armutszeugnis für unser Bayern, so zum sagn.

Iiiiiiiiii woassss ned. Meins is ned. PROST, JUCHAIIIII !!!!

... Nachwort einer bekennenden, bayrisch gebürtigen Nichtbayerin. Einem waschechten Woipadinga so zum Sagn:

Na, i hab koa Vawandschaft mit da Wiesn. I glab owa ned, dass nur da dran liegt, dass mei ersta B'suach auf da Wiesn a grad a poa Stund vor 'm Attentat war. Des hod gsessn, gwiess! Scho glei als kloans Madl, des no ned fui hod seh deafa von da Welt.

Und s hod ma über d'Jahr - eigentli bis heid - den Spaß an große Menschenmassn dagrausd. Gwiess.

Owa, na! Des is es ned. S'is wiakli, weil des für mi nix mehr mit Brauchtum zum doa hod.

Na ok, sagn ma: Fast nix.

Owa

hab's eiern Spass.

Nix fia Unguad, liebe Laid.